Sitio actualizado al Miércoles 23 de Mayo de 2018.

COORDINACIÓN DE TRANSPARENCIA Y ACCESO A LA INFORMACIÓN

Bruselas 118, Col. Villa Universidad, C.P. 58060, Morelia, Michoacán

Tel: 01 (443) 322-14-00, ext. 1110, email: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Jefe de Departamento de Acceso a la Información Pública: 

Mtro. Sergio Torres Delgado

Horario de atención: de 8:30 a 16:00 horas.

Éka ma ne wékaka inchamutani ma kurhakw’arhikwa o éka wékaka marhuatani mítekweeri kwách’akwa, sési jatsintskweeri, nóteru xanhatani o no jeyapinint’ani (ARCO) wétarhisïnti puchats’ïkuni arini karakatani: 

Plataforma Nacional de Transparencia

Ne wék’ini jantiok’u wantakwarhiparini o máteru kw’iripuni jimpo, úati karakata jimpo kurhakw’arhini eyankukwa ampe jima Unidad  Transparenciarhu, úraparini Plataforma Nacional, k’umanchikwarhu o kumanchikwecharhu énkaksï míntakata jaka eyakpenksïi, ístu correo electrónico jimpo, karakata axakwa jimpo, axaratarakwa jimpo, telégrafo jimpo o wantakwarhiparini o máteru ampe énka jeyapenentajka Sistema Nacional.

Éka ma ne wékakaaka inchamutani ma kurhak’urhekwa  arini ampek’uksï kurhakwati:

  1. Arhikwarhikwa imeeri énka kurhakw’arhijka o imeeri énka jimpo kurhakw’arhini jaka;
  2. Nani irekaski ka ísï eyankunit’ani ampe ma:
  3. Ampe énka kurhakw’arhini jaka;
  4. Máteru ampe énka marhuawaka ka ísï sánteru kókwani ixentani imani énka kurhakw’arhijka; ka,
  5. Nani na intsïnant’ani imani ampe énka kurhakw’arhijka, wantakwa jimpok’u, éka ísï marhuakwawaka, exenimentu sïranteechani, sïranta ampe mónharhitakata p’itakatata ísku o certificada arhikata, o máteru ampe jimpo patsarakwa electrónico ampe jameri.

Éka ísï p’itaraka, ima énka kurhak’orheka wantaati nani na intsïnant’ani imani ampe énka kurhak’orhejka ka ístu úati éska p’orhepecha jimpo o máteru wantakwa jimpo íntsïnant’aka éska na juramukata jaka arini juramukwarhu.

Eyankpekwa énka jataka arhut’akwa I ka IV no méntku  wétarhiati ítsïpeni, kurhakw’arhiti wantaati éka wékaska o no ampe íntsïpeni, ka no ma úati, ístu xanharaati imeeri kurhak’urhikwa.

Eyakpekweeri kurhak’urhekwa

Éska na juramukata jaka arhintskwa 75  Ley de Transparencia, Acceso a la Información Pública y Protección de Datos Personales, Estado de Michoacán de Ocampo anapu, ch’ari eyankpekweri kurhak’urhekwa, no yóntani eyankuntaatiksïni no nitamerani jameri ma ekwatse jurhiatikweecha énka ánchekwarhinajka, wenaparini miyuni imani jurhia énka ch’a inchamutaka.

Úati máteru t’émpini jurhiatikweecha yóntakwarhini éka ampe ísï wétarhiaka ka éka sésikwa íntspeaka Comité de Transparencia, karakata juramukwa jimpo ka ísï eyankunati orhetapani kurhakw’arhiti.

Kurhak’urhekwa kw’iripuecheri mítentskwa (kwách’akweechri marhuatakwa ARCO)

Éska na juramukata jaka arhintskwa 39 jima Ley de Protección de Datos Personales en Posesión de los Sujetos Obligados, Estado de Michoacán de Ocampo anapu, yámintu kw’iripu (énka míntakwarhitini jatsika imeeri míntentskwa) o kw’iripu énka imani jimpo wantaaka, úatiksï kurhakuni kunkwarhikwani Sujeto Obligado arhikatani, éska eyankwaka, sési jatsintskwa, nóteru xanhatani o no jeyapinintani (ARCO) imani ampearhu énka wétarhinchani jawaka. Pari úni marhuatani arini kwách’akwani, wétarhiati xarhatani ne jinteeski nenka kurhak’urheni jaka ka ístu éka máteru ne kurhapekujka ma neni (Ar. 45).

 Marhuatakwa arini ARCO arikatani no ampe wétarhisïnti tumina meyampini. Jimak’anku wétarhiati tumina éka ampe sïranta ísï jukaparhaka o axaminani ampe, jima chuxapanhaati éska na wantajka juramukweecha (Ar. 46). No nitamerani ma ekwatse jurhiatikweecha énka mókukwakaksï imani kurhak’urhekwa jiak’ani wératini éka na inchamutaka. Úati máteru t’émpini jurhiatikweecha yóntakwarhini éka ampe ísï wétarhiaka ka orheta ísï eyankunati kurhakw’arhiti (Ar. 47).

Ampe wétarhisïni éka ma ne wékaaka kurhak’urhekwa ARCO marhuatani:

  1. Arhikorhekwa imeeri énka kurhakw’aheni jawaka ka ístu nani énka irekaka o nani karakata axaminant’ani;
  2. Sïranteecha énka mítetarak’a néeski nénka kurhakw’arheni jaka o ima énka máteruni kurhap’ekujka;
  3. Éka míteka, eyankpeni nani jarhaski o ne jatsiaski imani ampe énka kurhakwarhini jaka;
  4. Eyankpeni sésimentu ampe jásï mítentskweecha wékaxaki kwách’akwani ARCO jimpo, míteparini éska no jintewaka juramukwa acceso arhikateecha;
  5. Ampe jásï kwách’akwa wékasïni marhuatani o máteruni marhuatakuni; ka,
  6. Máteru ampe énka jarhuataka sóntku exent’ani imani sïrantani mítentskweeri ampe énka kurhakw’arhini jaka.
Sitio actualizado al Miércoles 23 de Mayo de 2018.